InicioM.AMBIENTE E PATRIMONIOA Escola da Bici de Mobiliza ou como perder o medo a...

A Escola da Bici de Mobiliza ou como perder o medo a circular pola cidade

Publicada o

Por Ubaldo Cerqueiro

Falabamos hai unhas semanas do marabilloso e autosuficiente Taller Reciclos. Hoxe seguimos as rodas da Asociación Mobiliza para coñecer de preto a Escola da Bici.

Trátase dun proxecto desta entidade sen ánimo de lucro, con financamento municipal, que permite aprender a andar a dúas rodas a persoas, en boa medida mulleres, que sempre quixeron andar en bici e por unhas cousas ou por outras o foron deixando. Esas persoas ás que lle dá envexa ver a alguén montando cun sorriso polo paseo marítimo, ou aparcando na porta do seu destino sen necesidade de buscar aparcamento ou esperar un autobús.

Iria Prendes de amarelo con usuarias da Escola da Bici
Iria Prendes, de amarelo, con usuarias da Escola da Bici nas instalacións do antigo Padre Rubinos

Son 8 @s intrutor@s encargad@s de impartir os cursos a maiores e nen@s nas instalacións do antigo Padre Rubinos. Teñen 3 niveis: iniciación, habilidades e circulación, e ademais, botando man do Taller Reciclos aprenden ás usuarias tamén a reparar a túa propia bici. Seguen a metodoloxía #BikeHability, que se está instaurando pouco a pouco en España.

Realizan circuitos no recinto, pero o máis importante, axudan a aprender a circular e perder o medo pola cidade. Unha cidade cun servizo público Bicicoruña de calidade, con máis de 50 km de carrís bici (xa non son aqueles tempos nos que só existía no paseo marítimo) ou vías ciclables (eses carrís dereitos que hai nas vías de dous carrís nas que só se pode ir a 30km/h e nas que se indica a prioridade para patinetes e bicis).
Unha cidade cada vez máis preparada para o ciclousuario, lista para que a bici se confirme como alternativa real ao transporte privado.

Álex, actual presidente de Mobiliza, impartindo un curso

Para explicar o que senten as súas usuarias, Javi Quiroga, de @ONovoNormal, xa recolleu á perfección a historia de Cruz:

Se tes gañas de aprender ou convencer a un familiar de que o faga, bota un ollo en na súa web e segue a Escola nas redes sociais:

Novas relacionadas

ÚLTIMAS

A Biblioteca de Monte Alto, 25 anos tecendo unha rede de amizade a través da amabilidade

Baño de parabéns, sorrisos e agradecementos vivíu este martes 11 de xuño a Biblioteca...

O sector de limpeza de edificios mobilízase en demanda de convenios dignos

O sector da limpeza de edificios e locais das provincias de Pontevedra e A...

A ampliación do centro de hípica de Amancio Ortega en Arteixo, máis preto de facerse realidade

A Xunta concedeu a autorización ambiental para o plan especial de ampliación do centro de hípica...

O Castelo de San Antón acolle o día 21 concertos de bandas locais

O Castelo de San Antón, na Coruña, acollerá o día 21 concertos de bandas...

DEIXAR UN COMENTARIO

Please enter your comment!
Please enter your name here