InicioECONOMÍAA Coruña recibe o maior cargamento de millo de Ucraína desde que...

A Coruña recibe o maior cargamento de millo de Ucraína desde que comezou a guerra

Publicada o

Por editor
A Coruña recibe este luns o maior cargamento de millo ucraíno desde o inicio da invasión rusa coa chegada ao porto do mercante Tramp Lady, un buque que leva nas súas adegas máis de 65.000 toneladas de millo, que será descargado no peirao do Centenario.
O Tramp Lady recala na Coruña procedente do terceiro porto máis importante de Ucraína, Chornomorsk, situado a uns 30 quilómetros da cidade de Odesa. Tras atracar no peirao, o buque comezará a baleirar a mercadoría, traballos que se prolongarán durante varios días debido ao elevado número de toneladas que almacena no seu interior. O gran ucraíno destinarase á elaboración de pensos para animais de abasto de Galicia, principalmente.
Galicia pechou o exercicio 2022 cun total de 310.010 toneladas de millo procedente de Ucraína descargados en Galicia (sobre todo no porto da Coruña), o que supón pouco máis dun terzo do consumo anual de cereais para a elaboración de penso en Galicia, que supera o millón de toneladas.
A maior parte destas partidas, no entanto, recibíronse nos dous primeiros meses do ano, antes da invasión rusa que desencadeou a guerra en Ucraína, cando chegaban a Galicia procedentes dese país unhas 200.000 toneladas de millo, con fretes medios de 45.000 toneladas por barco.
Así, tras o estalido do conflito, o 24 de febreiro de 2022, houbo que esperar ao mes de xuño para recibir o primeiro envío de millo a través dunha nova ruta marítima aberta polo mar Báltico para sortear o bloqueo ruso. O 10 de xuño atracaba no porto coruñés o buque Alppilia cun cargamento de 18.000 toneladas de millo ucraíno.
MÁIS DE 100.000 TONELADAS
E é que desde o inicio da guerra, Galicia recibiu unicamente 109.900 toneladas de cereal ucraíno no medio de importantes problemas loxísticos que obrigaron a buscar rutas alternativas ante o bloqueo ao que a Armada rusa someteu o Mar Negro ata que, grazas á mediación de Turquía e a ONU, foi posible alcanzar un acordo que permitise a exportación de gran desde o porto de Odesa. En agosto de 2022, o porto de Chornomorsk uníase á operación do corredor de cereais.
A continuidade desta ruta, no entanto, periga debido á ameaza rusa de non prorrogar o acordo que permite a Ucraína exportar os seus cereais utilizando un corredor seguro a través do Mar Negro.
A interrupción deste acordo obrigaría a Ucraína a renovar as exportacións de cereal desde portos do Mar Báltico aos que o gran tería que ser trasladado por estrada cruzando o país en guerra primeiro e Polonia despois.

ÚLTIMAS

Mariscadores a ría do Burgo denuncian que “hai quen non pode afrontar pagos” e urxen axudas

Mariscadores e mariscadoras da ría do Burgo han secudando este venres unha nova concentración en...

O evento tecnolóxico ‘Ecosystems’ reunirá o día 28 no Palexco a mulleres líderes no sector

O evento de ecosistemas tecnolóxicos 'Ecosystems' reunirá o día 28, na Coruña, a mulleres...

Inaugurado o paso inferior e a ligazón de Sol e Mar en Oleiros

O delegado do Goberno en Galicia, Pedro Branco, e o alcalde de Oleiros, Anxo...

Presentado o programa do Orgullo coruñés

A festa do Orgullo coruñés comezará este sábado 22 de xuño e prolongarase ata...

DEIXAR UN COMENTARIO

Please enter your comment!
Please enter your name here