InicioDEPORTESCopa do Rei: O Liceo non puido co Barcelona

Copa do Rei: O Liceo non puido co Barcelona

Publicada o

Por Fernando Campos Mantiñán

O Deportivo Liceo non foi quen de impedir que o F.C. Barcelona adadara a súa Copa número 25. Os verdibrancos quedan co mel nos beizos, perdendo a final por 4 a 2 ante un equipo catalán que está intratable durante esta tempada.

Verdibrancos e blaugranas fixeron valer a súa condición de máximos favoritos ó título e véronse a caras na final da competición copeira. O Liceo chegaba ó derradeiro partido despois de desfacerse do Caldes (7-2) en cuartos, e do Voltregá (2-1) en semifinais. O Barcelona, pola súa parte, foi eliminando ó Igualada e ó Reus no seu camiño cara á final.

Os cataláns dominaron o encontro dende o inicio, chegando cun contundente 4 a 0 ós derradeiros dez minutos. Pero neste deporte sempre pode pasar de todo, e dous tantos de Álex Rodríguez a falta de 8:04 e de 3:27 apretaban o marcador e facían crer na milagre. Non foi suficiente, pois os barcelonistas conseguiron manter a vantaxe de dous goles ata o remate.

Na minicopa, tamén título para o Barcelona, quen derrotou ó Noia por un axustado 4-3. Os rapaces do Liceo foron eliminados en cuartos de final polo Caldes. Este ano a competición foi disputada polos equipos de categoría xuvenil dos clubes participantes, e non polos infantís, como viña sendo habitual. Foi un cambio a derradeira hora e con bastante polémica, xa que varios equipos negáronse a xogar cos cascos de protección homologados pola Federación Española, obrigatorios na categoría infantil para competicións de ámbito nacional.

 

  • Fernando Campos Matiñán. Comecei a xogar ó hóckey sobre patíns no Liceo ós 8 anos.
    Licenciado en CC. Da Actividade Física e o Deporte no INEF de Galicia. Entrenador e preparador físico de varios clubes (INEF Galicia, CP. Ordenes, EMH Cee, HC Liceo) Actual entrenador do Colexio Obradoiro.

MÁIS NOVAS DE HOCKEY

ÚLTIMAS

A intervención en Olmos medra implicando á rapazada

Non para o Colectivo In Nave Civitas e a asociación cultural O Mural intentando...

Alerta amarela este luns en zonas da Coruña por choivas que poderán superar os 40 l/m2 en 12 horas

O oeste e suroeste da Coruña estarán este luns en alerta amarela por choiva,...

Piden 5 anos de cárcere dúas mulleres que compraron unha gasolineira a pesar de non ter solvencia en Ferrol

A Audiencia Provincial da Coruña acollerá o vindeiro martes o xuízo contra dúas mulleres...

Medio centenar de persoas en salvamento, socorrismo e atención médica na inauguración da tempada de praias na Coruña

O Concello da Coruña iniciou este sábado a nova tempada de praias, coa incorporación...

DEIXAR UN COMENTARIO

Please enter your comment!
Please enter your name here