InicioCULTURAEste xoves saen as entradas do EMHU, un elenco co mellor humor...

Este xoves saen as entradas do EMHU, un elenco co mellor humor de todo o estado

Publicada o

Por editor

Menudos nomes que se albiscan para o Encontro Mundial de Humorismo 2023. Este xoves 9 saen ás entradas á venda para este festival no que poderemos ver e rir con xentes como Silvia Abril, Eva Hache, Dani Rovira, Eva Soriano, Ana Morgade, Pantomima Full, Javier Cansado, Touriñán, Ignatius Farray, Leo Harlem, @s Manuel Burque, Henar Álvarez e Quique Peinado que presentarán por primeira vez en Galicia ‘Buenismo Show’, ou as Carolina Iglesias e Victoria Martín, que gravarán un programa especial do seu podcast Estirando el chicle desde o castelo de Santo Antón.

O elenco fala por si mesmo, así que ide deixando a axenda libre do 28 de abril ao 7 de maio, para non perder un só evento deste programa impulsado polas produtoras Etiqueta Negra e El Espectador, e que conta co apoio do Concello da Coruña e Estrella Galicia.

Unha das caras novas será o arxentino Juan Barraza co seu “Garabato controlado”; así como a estrea absoluta de dous novos traballos de humoristas de Galicia: “As R(h)umorosas”, creado por Marta Doviro, Carmen Méndez e Ledicia Sola.
E como evento destacado, a proxección de ‘Amigos hasta la muerte’, a adaptación cinematográfica escrita e dirixida por Javier Veiga da exitosa obra de teatro, incluíndo un coloquio con Marta Hazas, David Amor e Xosé A. Touriñán.

As entradas das sesións de pago do EMHU 2023 sairán á venda o vindeiro xoves, 9 de marzo, a partir das 12.00 horas, na páxina web oficial do festival, www.emhu.es e na Ataquilla.com.

HORARIOS PROGRAMACIÓN DE PAGO EMHU 2023

Venres 28 de abril
21:30 horas | Teatro Colón: Buenismo Show (estrea en Galicia)

Sábado 29 de abril
17:00 horas | Teatro Colón: Sin datos no hay paraíso
22:00 horas | Pazo da Ópera: Humoris Causa

Domingo 30 de abril
16:00 horas | Castelo de Santo Antón: Estirando el chicle en un castillo
18:00 horas | Teatro Colón: Ignatius Farray: La comedia salvó mi vida
20:30 horas | Teatro Colón: Amigos hasta la muerte

Luns 1 de maio
19:30 horas | Teatro Colón: Juan Dávila: La capital del pecado 2.0 (estrea en Galicia)

Mércores 3 de maio
19:30 horas | Afundación: As R(h)umorosas (estrea absoluta)

Xoves 4 de maio
21:00 horas | Afundación: Ansia viva (estrea absoluta)

Venres 5 de maio
19:30 horas | Afundación: Juan Barraza: Garabato controlado (estrea en España)

Sábado 6 de maio
12:30 horas | Teatro Colón: La Ruina
22:00 horas | Palexco: Animus Iocandi (estrea absoluta)

Domingo 7 de maio
20:00 horas | Teatro Colón: Fantastic Colofon

 

ÚLTIMAS

A intervención en Olmos medra implicando á rapazada

Non para o Colectivo In Nave Civitas e a asociación cultural O Mural intentando...

Alerta amarela este luns en zonas da Coruña por choivas que poderán superar os 40 l/m2 en 12 horas

O oeste e suroeste da Coruña estarán este luns en alerta amarela por choiva,...

Piden 5 anos de cárcere dúas mulleres que compraron unha gasolineira a pesar de non ter solvencia en Ferrol

A Audiencia Provincial da Coruña acollerá o vindeiro martes o xuízo contra dúas mulleres...

Un incendio nunha sauna do polideportivo municipal de Touro

Un incendio, no cadro eléctrico, nunha sauna dos vestiarios do polideportivo municipal de Touro saldouse...

DEIXAR UN COMENTARIO

Please enter your comment!
Please enter your name here