InicioCULTURAO Concello esixirá aos donos do edificio da rúa Olmos a rehabilitación...

O Concello esixirá aos donos do edificio da rúa Olmos a rehabilitación dos murais de Lugrís

Publicada o

Por editor

Dous meses despois de pasar polo Congreso e uns días despois da esixencia de José Manuel Sande, candidato de Podemos, Esquerda Unida e Alianza Verde, do cumprimento das súas obrigas sobre conservación do patrimonio histórico ao respecto dos murais de Urbano Lugrís, o Concello da Coruña anuncia quevai reclamarlle aos propietarios do número 25 da rúa Olmos que actúen de xeito inmediato para conservar os murais pintados por Urbano Lugrís que se atopan no inmoble (un antigo restaurante) e que son tamén da súa propiedade.

O Concello elaborou un informe que determina a necesidade de actuación de forma inmediata sobre as 12 pezas que decoran as paredes do antigo restaurante Fornos.

As pinturas datan de mediados do século XX, tal e como figura na inscrición dunha delas -24 de febreiro de 1951- e están realizadas coa técnica “a secco” e pintura ao aceite.
A condición do local de hostalaría fixo que durante anos os murais estiveran expostos a fumes e vapores, procedentes da cociña así como do tabaco, oxidando a capa pictórica afectada por outros condicionantes como a ventilación, humidade e iluminación do espazo.

Os técnicos indican que as pinturas están en mal estado de conservación, mais son recuperables. É precisa unha actuación inmediata. “Os murais están catalogados e protexidos e os seus donos teñen a obriga de garantir a súa conservación”, sinalan dende o Concello. De non responder ou non acometer as medidas de conservación necesarias, será o Concello o que actúe de forma subsidiaria.

ÚLTIMAS

Ilusión entre @s praceir@s na apertura do Mercado provisional de Monte Alto

Tras 3 semanas e media sen poder traballar, as praceiras do Mercado de Monte...

Empresari@s de ASCEGA, veciñ@s e oposición responsabilizan ao goberno da mala xestión das licenzas

Convocaba unha reunión onte a Asociación de Empresarios de Galicia (ASCEGA) para analizar a...

Viñetas desde o Atlántico queda sen o seu director

O debuxante Miguelanxo Prado, director do Salón Internacional do Cómic Viñetas desde o Atlántico...

A Coruña conta con máis dun centenar de símbolos franquistas sen eliminar, segundo un informe

A Coruña conta con máis dun centenar de símbolos franquistas sen eliminar, segundo un...

DEIXAR UN COMENTARIO

Please enter your comment!
Please enter your name here