InicioCAMBREÓscar García Patiño: “As Deputacións a día de hoxe non valen para...

Óscar García Patiño: “As Deputacións a día de hoxe non valen para nada. Son chiringuitos. Deberían ser puramente técnicas”

Publicada o

Por Ubaldo Cerqueiro
  • “A Vía Ártabra é unha infraestrurura moi importante, pero non pode cargarse o humidal da Gándara e ser de pago. A Xunta ten que empezar de 0.”
  • “Se non aprobamos o PXOM teremos outro retraso de 10-15 anos, e iso sería unha ruina para o noso Concello”
  • “Todos os que voten á Alternativa dos Veciños de Cambre están conseguindo que leven cartos a Oleiros”

—- —- —-

Pelexando entre os trasatlánticos da política, Óscar García Patiño (alcalde dende 2015 con Unión por Cambre) afronta as eleccións municipais do vindeiro 28 de maio con total confianza. “Creo que fixemos méritos suficientes para que a xente siga confiando en nós”, sinala sobre a súa posible reelección, lembrando a súa promesa de hai 14 anos cando propuxo nos estatutos do partido poñer 3 lexislaturas como tope.

Coa lista perfilada pero non aprobada en asemblea (“vai haber poucos cambios, sen necesidade de importar fichxes de fóra coma outros”), fala de “PROXECTO”, en maiúsculas. “A lista é moi fácil facela. O complicado é ter un proxecto”, explica mentres repasa os 8 anos de lexislatura.

Como grupo veciñal, antepón a súa faceta persoal (“somos veciños antes de nada”) que política, e pon en valor a mellora da participación cidadá na vida municipal.

 

  • XdC: Que valoración fai do teu mandato? De que cousas estás máis orgulloso estás do feito, e que cousas quedan no tinteiro?

Fago unha valoración moi positiva, pero temos que facela dos 8 anos que levamos, porque nós falamos dun proxecto que traemos para este Concello, non o que fixemos nestes 4 anos. De feito o programa vai ser unha continuidade do que levamos propoñendo estes 14 anos.
Esta lexislatura foi complicada, coa pandemia… Pero ao final fixemos moitas cousas: melloramos moito a participación de veciños, fixemos as gradas do Brexo Lema; a ampliación da piscina que estamos facendo; o novo local de servizos sociais para dar un mellor servizo; o parque Ramón Barba que vai empezar; o pavillón de Anceis que é perfectamente legal; o novos local Social de Cela; a Biblioteca Municipal de Cambre, unha demanda histórica e promesa de todos os partidos…

 

  • XdC: Quen canles de participación cidadá tendes abertas?

Dende o principio, constituímos que houbese unha persoa que se dedica a falar todo o día coas asociacións, a Concelleira de Desenvolvemento Asociativo, Carmen Pan. A nosa política é escoitar a todo o mundo e logo darlle, resposta, sempre, ás veces para ben e outras para mal se non podemos, ou se non son da nosa competencia, trasladamos as demandas ás administracións competentes. Eu tamén teño dúas reunións ao ano con elas, como mínimo.

Tamén temos abertos os Orzamentos Participativos, con máis de 700 propostas, e contestamos a todas. E temos un servizo aberto por whastapp.

 

Infraestruturas

A acollida é boa. Non é un Plan Xeral de UxC e PSOE. É un Plan para a veciñanza. Nós lle pedimos a todos os grupos que melloren o Plan, pero só o critican, e ninguén falou sequera coa empresa que o desenvolve, unha empresa especializada que xa fixo o de Ferrol, Oleiros… e o único que lle dixemos é que cando chegue a fase final que a Xunta o aprobe.

É fundamental sacalo adiante. Xa levamos un retraso con PXOM duns 15 anos, e se non o aprobamos teremos outro retraso semellante, e iso sería unha ruina para o noso Concello. Arteixo e Culleredo non teñen Plan Xeral, e cun Plan podemos facer que a xente veña invertir a Cambre, por exemplo coa ampliación do Polígono de Espíritu Santo.

Por agora levamos algo menos de 300 alegacións, pero chegarán moitas máis nos últimos días. As principais son de xente que pediu pasar a súa finca a urbana. A xente pensa na súa rúa, pero nós temos que facerlle entender que todo o Concello é importante.

 

  • XdC: Entón, hai unha estimación dos prazos para que se aprobe?

Estamos coa exposición pública, resolveránse as alegacións, pero faltan algúns dos máis de 30 informes que teñen que enviar diferentes administracións, que ao final son os que ralentizan o proceso. En 3 anos, máis ou menos, debería estar aprobado.

 

  • XdC: O tema das Casas Bailly vai tamén por aí, non?

Todos falan das Casas Bailly pero ninguén de como recuperalas. Nós fixemos unhas modificacións subsidiarias puntuais, cando todos nos dicían que esperásemos ao PXOM. Pero tiramos para adiante porque sería retrasalo 6-8 anos. Con esas modificacións, pasamos unha zona na Nacional VI, en fronte do Seixal, de solo rústico a de servizos… para atraer venta de motos, concesionarios, hoteis… E con ese aumento de recadación, que calculamos será de 2 millóns de euros, imos a restaurar as Casas Bailly.

Casas Bailly

  • XdC: Vía Ártabra… Aí seguimos esperando os cidadáns mentres…

David contra Goliat. Nós defenderemos que a Vía Ártabra é a infraestrurura máis importante, co Vial 11 17, para Cambre. Somos un concello de servizos, un embudo ademais, para toda a área. É necesaria e imprescindible, por exemplo para o desenvolvemento do Polígono, pois en 10 minutos nos poríamos na zona industrial de Arteixo-Laracha-Carballo.

Pero a Vía Ártabra non pode cargarse o humidal da Gándara, porque non é unha “charca” como a definiu algún alcalde limítrofe. Defendémolo así, e ademais queremos que o entronque coa autopista sexa gratis.
É certo que nos sentimos abandonados do resto dos partidos nesta pelexa coa Xunta. Tivemos que denuncialas e ir ata o final para que nos dean a razón. Estaban equivocados no proxecto construtivo e de trazado, e eles o sabían.

 

A Xunta ten que dar marcha atrás, ten que empezar de cero. Din que o entronque non pode ser en Catro Camiños. Nós lle mandamos 5 proxectos posibles para que así sexa; que nos demostre con informes técnicos que non poden ser, porque o único que non encaixe son as cabinas da peaxe…

Nós avisámolos, non houbo maneira, e houbo que ir á Xustiza. E gañamos dúas veces.
Agora, prazos? xa nin idea… Nós na vindeira lexislatura seguiremos reivindicando a Vía Ártabra con forza, incluso promovento concentracións, cortes… porque parece que é o único que entenden.

 

  • XdC: O Vial 11-17, entón, para cando?

Está paralizado, está nun caixón dende hai tempo, cando é un vial necesario. Iría dende o club de tenis de Oleiros ata a antiga peaxe, polo que sería fundamental para liberar a Costa da Tapia.
Estando aínda na oposición pedimos que a fose pola Marisqueira para non ter que ir ao Paraugas, que é o gran embudo. Pedímoslle tamén que quitasen un muro para disfrutar do regato de San Pedro e do Gándara. A Xunta cambiou o proxecto para a Marisqueira, e nada máis, e despois o meteron nun caixón, como outros proxectos que nos teñen paralizados. É unha das cousas que pasa cas administracións que non están cercanas á cidadanía. Se no seu día, Fomento lle dixese a Xunta que fixese o Vial 11-17 antes de facer a obra de Solymar, non teríamos tantos problemas a día de hoxe. Pero é o problema de ter dúas administracións enfrontadas. En do PP e outro do PSOE e os que sofren son os veciños.

A verdade é que non respectan nin sequera a figura dos alcaldes. Fraga dicía aos conselleiros que os alcaldes eran a máxima autoridade e que había que convocalos sempre. Agora convocan a todo o mundo menos ao alcalde para unha presentación no teu concello…

vial 11 17

Rexeneración

  • XdC: Un dos temas máis comentados é a rexeneración urbana das zonas urbanas. Xa anunciastes a semana pasada unha nova área verde de 3.658 metros preto da rúa do Polígono no Temple. Parte fundamental da política do partido?

Estamos intentando arranxar a desfeita que se fixo no noso Concello nos anos 80. Afogaron a ría do Burgo na zona de Cambre, que non o fixeron en Culleredo ou Oleiros, e agora estamos intentando recuperala.

Traballamos nos 3 núcleos, en temas como a ampliación das beirarrúas, e prantación de árbores, mellora da accesibilidade (como no Parque Ramón Barba)… Vese nas rúas, nas prazas, nas beirarúas, estamos intentamos facer as cidades para os cidadáns, e sen esquecer buscar sitios para que a xente teña sitiuo para aparcar.

Para min, é unha envexa ver como en Pontevedra os nenos baixan só a rúa e poden socializar. Nós imos por aí, estamos intentando que poidas ir andando para disfrutar os nosos ríos, as nosas fragas… Xa fixemos parques infantís, pero fáltanos aínda renovar o mobiliario urbano da zona urbana.

 

  • XdC: E cando falas de sostibilidade, a que te refires?

Por exemplo, pedimos 3 proxectos de independencia enerxética ao PIREB (Programa de Impulso a la Rehabilitación de Edificios Públicos). Un no pavillón de Sigrás, promovendo a reforma integral, e a posta de placas solares que permitirán darlle electricidade, pero tamén ao edificio de Protección Civil e outras infraestruturas municipais. Temos solicitadas reforma dos colexios do Temple e o Graxal. E co PIREB tamén cambiamos a iluminación a LED dos centros urbanos e polígono. Tamén apostamos pola compra de coches eléctricos.

 

  • XdC: O ano pasado houbo problemas coa seca. Como é posible tendo o encoro de Cecebre ao lado?

Outra cousa que non entendemos. Por que non se fai o trasvase de Meirama directamente. Emalcsa xa o propuxo a Augas. Facendo o trasvase de Meirama ao río Barces, que desemboca na presa de Cecebre non teríamos problemas de abastecemento nos próximos 100 anos.

Ten huevos que me esixan que lle pida aos veciños que teñan coidado cos regos das súas hortalizas, dos seus campos, das piscinas… cando chegas e ves que os clubs de golf están regándose. Pedireilles aos veciños que teñan coidado cando vexa que estas actividades que non nos necesarias tamén o teñen.
E ademais pelexaremos polo uso de lecer dos ríos e do encoro, que por agora está prohibido…

 

Eleccións

  • XdC: Cres que a crise do PSOE pode influir no goberno local?

Todos os partidos grandes teñen un problema de base, por non escoitalas, fundamentalmente. A política ten que ser de abaixo arriba.
Pero vaia, aquí co PSOE temos unha excelente, non boa, excelente, relación. E non creo que afecte aquí. Nestes concellos pequenos, a xente vota moito ás persoas, e tamén aos feitos, non tanto ás siglas, creo eu.

  • XdC: Cres que pode influír na Deputación?

Non me fales das deputacións… As Deputacións a día de hoxe non valen para nada. Son chiringuitos. Deberían ser puramente técnicas, cun xerente de área. Que estean facendo plans de emprego, temas de cultura, dándolle cartos aos camioneiros… paréceme incrible. Paréceme incrible que me teñan que dicir en que gasto os cartos…
Parece incrible que haia gobernos paralelos que se xeraron e que nos constan un riñón a cada veciño. A cantidade de cartos que nos contan os políticos, os asesores… Que estea dirixida por alcaldes é incrible, inaudito.
As axudas nominativas… xa como se estivésemos na época franquista…

Tiñan que dar apoio a todos os Concellos. Nós por exemplo, temos o tema da xestión de multas, e iso está ben.
Pedímoslle que fagan listas de funcionarios das súas categorías, que nos faciliten a contratación. Pero nada, quedou nun caixón.
Pedímoslle a xestión da Lei de Protección de Datos, e nada… Que nos axuden coa limitación de persoal… non somos capaces de gastar porque non temos persoal suficiente. Temos máis de 60 contratos pendentes de executar por falta de persoal…

Nós sempre o dicimos: “As ideoloxías non fan carreteras… son as persoas”.

 

  • XdC: Cres que a imputación do seu exalcalde pode influir no voto do PP?

Non creo. Puxeron xente nova que, non se falan cos actuais, por certo, e que o primeiro que fan é pedir que se paralice o Plan Xeral. Pero nin sequera se xuntaron con nós nin coa empresa…

 

  • XdC: Que relación tendes con Alternativa dos Veciños? Podería haber acordos?

Pois está clara: Todos os que voten á Alternativa dos Veciños de Cambre están conseguindo que leven cartos a Oleiros. Alternativa é decisivo na votación da Deputación. Pero que me digan cantos pediron na Deputación para Cambre?? É que nin os pediron.

Cultura

  • XdC: Seguirá apostando o Concello por temas culturais como o Rock in Cambre ou a arte urbana?

O RockinCambre sempre é unha aventura. É difícil atopar a data correcta, porque por exemplo o ano pasado coincidiu con outros festivais. Pero ten 30 anos, e é parte do ADN do noso Concello, e vai seguir séndoo. É un éxito ademais porque lle damos protagonismo á cantidade de grupos que temos enchendo os locais de ensaio municipais.
Outro dos logros foi o Rock Infantil, e por aí imos continuar. O primeiro é que disfrutemos os cambreses, que nos sentamos identificamos, e despois que veña moita xente.

Tamén colaboramos co Open Science, que é unha pasada como traballa a mocidade.

E si, imos seguir apostando pola arte urbana, e polo festival MuralFest. Tivemos 2 murais entre os 10 mellores do mundo, é a ostia, “Cambre no Mundo”.
Funcionou moi ben o de realidade aumentada, que ademais é unha empresa de Cambre que está sendo chamada por outros muralistas, co que ademias fomentamos a creación de emprego. Imos seguir por aí si, traballando con códigos Qr…

ÚLTIMAS

Interceptan a un condutor que se deu á fuga en Culleredo tras chocar con tres coches

A Policía Local de Culleredo logrou dar co condutor que supostamente se deu á...

A AC Alexandre Bóveda afonda sobre a realidade Palestina

Non para a Asociación Cultural Alexandre Bóveda, coa programación de marzo e abril absolutamente...

Conversa con RJ Junior, promotor do Go! Electronic Festival

A finais de verán temos na comarca veciña festival de música tecno. O 13 e 14...

Conclúe a V Semana do Cinema Galego cunha media de máis de 300 espectadores por xornada no Teatro Colón

A V edición da Semana do Cinema Galego, que se celebrou entre os días...

DEIXAR UN COMENTARIO

Please enter your comment!
Please enter your name here