InicioCULTURAA Semana do Cinema Galego dá paso á Mostra Internacional de Cinema...

A Semana do Cinema Galego dá paso á Mostra Internacional de Cinema por Mulleres

Publicada o

Por editor

Continúa a cidade acollendo iniciativas vinculadas co cine. Este domingo clausurábase a IV Semana do Cinema Galego, coa proxección do filme de animación ‘Valentina’, escrita e dirixida por Chelo Loureiro. Grandes e pequechos acompañaron a Valentina, unha nena con síndrome de Down, na súa aventura para facer realidade o seu soño: ser trapecista. A directora, produtora e guionista Chelo Loureiro; Alicia Rábade, voz de Valentina nas cancións; e Lucía Serén, dobradora de Valentina na versión en galego, contaron como foi a rodaxe.

I Mostra Internacional de Cinema por Mulleres A Coruña

Se tempo a descansar, a partir deste mércores 22 de marzo, os Cantones Cines acollen a I Mostra Internacional de Cinema por Mulleres A Coruña. Unha Mostra para achegar ao público da cidade unha selección das máis recentes longametraxes internacionais e nacionais dirixidas por mulleres, realizadas entre 2021 e 2022.

A inauguración será o mércores ás 17:30h, en presenza de Inés Rey, e os codirectores e fundadores do proxecto, Carlota Álvarez Basso e Diego Mais Trelles. As entradas xa están dispoñibles na web dos Cantones Cines.

As 20 películas que se proxectarán formaron parte da Competición Nacional e Internacional da V edición do Festival de Cine por Mujeres Madrid, que tivo lugar do 25 de outubro ao 6 de novembro do 2022. Entre elas atópanse as dúas películas gañadoras, a multipremiada ‘Cinco Lobitos’, da directora española Alauda Ruíz de Azúa que conquistou os Forqué, os Feroz e recibiu 3 premios Goya, e ‘Estación Catorce’, da directora mexicana Diana Cardozo, gañadora da competición da quinta edición do Festival Cinema por Mujeres Madrid como Mellor Película de 2022.

Programa Mostra Cinema por Mulleres A COruna

ÚLTIMAS

Nova protesta para pedir “xustiza” e “máis investigación” polo asasinato de Yoel Quispe

Familiares e amigos de Yoel Quispe, o mozo español de orixe peruana, de 22...

A asociación cultural O Mural urxe á Xunta a admitir a súa solicitude de declaración BIC dos murais de Lugrís

A asociación cultural O Mural, unha das entidades que alertou da situación dos murais...

O BNG pedirá no Parlamento galego a declaración da Coruña como mercado de vivenda tensionado

A portavoz nacional do BNG, Ana Pontón, anunciou que a formación nacionalista pedirá no Parlamento galego a...

Arde unha casa okupada no barrio dos Mallos, cun dos seus moradores detido por violencia machista

Unha vivenda okupada do barrio coruñés dos Mallos acabou calcinada este venres, cun dos...

DEIXAR UN COMENTARIO

Please enter your comment!
Please enter your name here