InicioDEPORTESO Liceo Feminino, outra vitoria na Liga e este sábado polos Cuartos...

O Liceo Feminino, outra vitoria na Liga e este sábado polos Cuartos da Champions

Publicada o

Por Fernando Campos Mantiñán

As rapazas do Deportivo Liceo chegan á recta final da tempada lanzadas na disputa de tres competicións. 

O rendemento das verdibrancas este ano está sendo moi alto.  Onte pola tarde gañaron 4-1 ó colista, o Alpicat e marchan sextas na táboa da OK Liga Iberdrola a falta de tres xornadas para o remate da fase regular. Inflúe moito nesta boa clasificacion o acerto de cara a porta dalgunhas das súas xogadoras. Por exemplo,  os 20 goles de Alba Garrote colócana polo momento como cuarta anotadora da competición. E os 18 tantos de María Sanjurjo, a nosa campiona do Mundo, deberían poñela outra vez na lista das xogadoras convocables coa selección española.

Ademáis, o vindeiro mes de maio, xogarán a Copa da Raíña en Calafell, do 10 ó 13. Competición a eliminatoria directa, entre os oito mellores equipos de España. Emoción asegurada.

Pero, como novidade, este ano al liceístas están facendo historia na Champions femenina. Este sábado saltarán ó parqué de Riazor para disputar os cuartos de final do torneo continental. Enfronte, nada menos que o Palau Plegamans, o actual campeón de Europa, con varias xogadoras internacionais nas súas fias. Non será doado, pero estas rapazas son quen de amargarlle-lo día a calquera. Dende aquí brindámoslles todo o apoio e desexámoslles toda a sorte do mundo, pois son merecedoras disto e moito máis. 

O que por suposto que non merecen, é que o vindeiro ano o Liceo se desfaga da súa sección femenina, como estivo anunciando estos días. 

 

  • Fernando Campos Matiñán. Comecei a xogar ó hóckey sobre patíns no Liceo ós 8 anos.
    Licenciado en CC. Da Actividade Física e o Deporte no INEF de Galicia. Entrenador e preparador físico de varios clubes (INEF Galicia, CP. Ordenes, EMH Cee, HC Liceo) Actual entrenador do Colexio Obradoiro.

MÁIS NOVAS DE HOCKEY

ÚLTIMAS

Olladas doutro tempo: Peixeiras no muro

Coruña existe polo seu porto. Éste inflúe ó longo da Historia sobre o desenrolo...

O Goberno corrixirá os topónimos deturpados da Coruña dun documento tras denuncialo o BNG

O Goberno central corrixirá os topónimos deturpados da Coruña (e Ourense) dun documento cun...

Volve a icónica camiseta verde do Súper Dépor, xa á venda

A empresa láctea Feiraco (integrada na Cooperativa Rural Galega CLUN, a maior cooperativa leiteira de Galicia, con...

A granxa coruñesa Landeira Sociedade cooperativa Galega, terceira mellor a nivel nacional pola calidade xenética dos seus animais

Tres granxas galegas (unha na provincia da Coruña e dúas na de Pontevedra) atópanse...

DEIXAR UN COMENTARIO

Please enter your comment!
Please enter your name here