InicioCULTURAXurxo Souto e a Banda de Xangai rescatan a lembranza de Mangüi

Xurxo Souto e a Banda de Xangai rescatan a lembranza de Mangüi

Publicada o

Por Ubaldo Cerqueiro

“Mangüi, sempre en nós”. Ese é o lema do concerto homenaxe que a Banda de Xangai vai realiar o vindeiro xoves 20, ás 18:30 h., nunha sesión conxunta co alumnado do IES Agra do Orzán. O evento, organizado pola Asociación Veciñal Agra do Orzán será a primeira vez na que a banda se suba ao escenario sen o compañeiro finado o pasado mes de xaneiro. Xa estaba programado dende hai meses e agora convírtese en homenaxe.

No acto Xangai vai colaborar co alumnado do Agra do Orzán, o instituto onde o propio Mangüi estudou e onde comezou a facerse músico. Na primeira parte do evento o alumnado será o protagonista, e despois poderán participar coa banda herculina que pon en valor o bravú en clave tradicional.

Contos diatónicos

Xurxo Souto co acordeon
Xurxo Souto co seu desaparecido acordeón

Antes, este domingo,16, ás 12 h. na Buserana (praza de Sellier, A Coruña), o noso Xurxo Souto fai outra homenaxe, neste caso ao seu acordeón perdido, ou máis ben roubado o mes de xuño do ano pasado. “Intensa ansiedade. Dura ausencia”, recoñece.

Agora ten un novo diatónico e tanta é alegría que quere compartir música e historias diatónicas a eito. Tocará o novo acordeón e contará historias como a do vapor italiano Palermo, que afundiu nos Baixos Meixidos en 1905 cargado de acordeóns. “Os instrumentos tocaron a noite toda, movidos polo balanzo do mar. Esta tiña que ser, abofé, terra de acordeóns”.

Despois da sesión de música e contos, haberá un xantar na propia Buserana. Se algunha persoa está interesada pode anotarse no Facebook “A Buserana Abusernabar” antes do sábado.

ÚLTIMAS

A Fiscalía pide a máxima pena para os acusados polo crime de Samuel Luiz

A Fiscalía Provincial da Coruña, na súa Sección de Delitos de Odio e Discriminación,...

Pasea polo medio de Cambre cun machete de 45 centímetros de folla

AA Policía Local de Cambre denunciou a un mozo que paseaba pola contorna do...

Olladas doutro tempo: Panorámicas e Vidros

Os Castros sempre foi un mirador privilexiado, con certa altura e un ángulo grande...

O Muncyt recibe máis de 55.000 vistas anuais

O delegado do Goberno en Galicia, Pedro Blanco, visitou a sede coruñesa do Museo...

DEIXAR UN COMENTARIO

Please enter your comment!
Please enter your name here