InicioCULTURAProxecto Polaroid: A arte de vivir ao instante

Proxecto Polaroid: A arte de vivir ao instante

Publicada o

Por Rosaura Romo Hernández

Na exposición Proxecto Polaroid: Na intersección da arte e a tecnoloxía atópase unha proposta que ofrece a Fundación Barrié sobre o nacemento e a historia da Polaroid, a cámara instantánea.

Instante é a palabra protagonista da visita, porque o que Edwin Line conseguiu co seu invento ten moito que ver cunha das maiores persecucións históricas da humanidade: acelerar o tempo, os procesos, acortar a intersección entre acción e resultado, o aquí e o agora.

A produción instantánea permitiu a expansión da fotografía afeccionada, o descenso da elite ao uso mundano (Swinger en inglés), precisamente a palabra elixida para dar nome ao modelo Swinger Polaroid, que daquela se usaba para interpelar á mocidade máis vangardista. Ademais púxose a venda por un prezo asequible e un deseño en branco que marcou tendencia; non sei se isto che soa familiar, pero parece un dejavu do marketing.

E é que a viaxe pola exposición é un repaso á nosa realidade, un pouco como ver instagram en estilo retro; non pode ser máis tendencia.

E así o marketing sumábase para converter estas fotos de Polaroid de baixa calidade en pezas de museo poñendo de moda o desenfoque, a manipulación, o movemento… cambiando así a historia da arte.

Ademais, para percorrer este camiño contou co mellor dos mestres, xuntándose a ferramenta e o artista, Andy Warhol, o primeiro gran influencer: sacándose selfies, elevando a publicidade á arte, amosando o backstage do famoseo hollywoodiano na súa faciana máis espotánea, con desecuadres, primeiros planos, sobreexposicións…. As máis de 10.000 fotos polaroid que se atoparon na súa casa ben poderían ser o muro da súa rede social. Canto lle pagarían por unha publicación abrindo unha lata de salsa de tomate Campbell’s un día recén levantado?

E así a arte e a foto xuntáronse para converte en único o mundano e facer, e cito e recomendo, unElogio a lo cutre” (Alberto Olmos, Ed. Harpercollins).

  • Rosaura Romo. Licenciada en Historia da Arte e traballadora do terceiro sector.

ÚLTIMAS

Morre un home na praia do Orzán, menos dun día despois doutro falecido en Riazor

Un home perdeu a vida na mañá deste mércores na praia do Orzán, na...

A concesionaria do servizo de lixo da Coruña comeza a aplicar man dura contra os folguistas

A concesionaria do servizo de recollida de lixo da Coruña, Prezero, comunicou 29 sancións graves este...

O 4 de marzo, martes de Entroido, e o 24 de xuño, San Xoán, serán festivos na Coruña en 2025

O Concello da Coruña decretou que o 4 de marzo, martes de Entroido, e o 24...

Mariscadores do Burgo secundan unha nova concentración á espera dunha solución ás axudas que reclaman

Membros da Confraría de Pescadores da Coruña mobilizáronse, este mércores ante a Delegación do Goberno, para esixir...

DEIXAR UN COMENTARIO

Please enter your comment!
Please enter your name here