Reclamar unhas condicións salariais e laborais dignas foi a reivindicación principal da manifestación desenvolta este domingo na Coruña polas traballadoras do Eroski-Familia. Traballadoras das pronvicias da Coruña e Pontevedra levan meses de mobilizacións demandándolle á empresa que regrese ao convenio do comercio de alimentación, do que saíu no ano 2006 para pasar a aplicar un convenio propio de condicións inferiores negociado en Madrid.
Lembran que as condicións de Vegalsa son “os máis baixos de todo o sector” e ademais “é a empresa que ten as peores condicións laborais”.
Dende a CIG critican que as suba salarial obrigada por lei “non incorporou sequera o plus de transporte que recolle o convenio de grandes almacéns, o que lles permitiría cobrar 1000 euros máis ao ano”.
Máis xornada anual e menos licencias
Denuncian que “traballamos 70 horas máis ao ano ao non computársenos como tempo efectivo de traballo os 20 minutos de descanso; non temos recoñecidos os tres días de asuntos propios, nin o dereito a coller tres sábados ao ano sen que se nos mova o resto do calendario; e incluso a redución da xornada por garda legal só se permite até que a crianza cumpre os 12 anos”.
Por iso, xa avanzan que continuarán coas mobilizacións porque “nós o que queremos é cobrar e ter as mesmas condicións que as compañeiras de Gadis ou Froiz”.
📣Traballadorase traballadores de #Eroski-Familia reclaman condicións salariais e laborais dignas
💪Este domingo manifestáronse na #Coruña para demandarlle á empresa que regrese ao convenio provincial de comercio de alimentaciónℹ️ https://t.co/vwf08CQlQG pic.twitter.com/ise7Z9eCyZ
— CIG (@galizaCIG) May 21, 2023
