InicioMOV. SOCIAISTraballar@s do Eroski-Familia manifestáronse este domingo polas rúas da Coruña

Traballar@s do Eroski-Familia manifestáronse este domingo polas rúas da Coruña

Publicada o

Por editor

Reclamar unhas condicións salariais e laborais dignas foi a reivindicación principal da manifestación desenvolta este domingo na Coruña polas traballadoras do Eroski-Familia. Traballadoras das pronvicias da Coruña e Pontevedra levan meses de mobilizacións demandándolle á empresa que regrese ao convenio do comercio de alimentación, do que saíu no ano 2006 para pasar a aplicar un convenio propio de condicións inferiores negociado en Madrid.

Lembran que as condicións de Vegalsa son “os máis baixos de todo o sector” e ademais “é a empresa que ten as peores condicións laborais”.

Dende a CIG critican que as suba salarial obrigada por lei “non incorporou sequera o plus de transporte que recolle o convenio de grandes almacéns, o que lles permitiría cobrar 1000 euros máis ao ano”.

Máis xornada anual e menos licencias

Denuncian que “traballamos 70 horas máis ao ano ao non computársenos como tempo efectivo de traballo os 20 minutos de descanso; non temos recoñecidos os tres días de asuntos propios, nin o dereito a coller tres sábados ao ano sen que se nos mova o resto do calendario; e incluso a redución da xornada por garda legal só se permite até que a crianza cumpre os 12 anos”.

Por iso, xa avanzan que continuarán coas mobilizacións porque “nós o que queremos é cobrar e ter as mesmas condicións que as compañeiras de Gadis ou Froiz”.

ÚLTIMAS

Restrinxido o uso de auga potable en Betanzos tras un brote de gastroenterite

Dende hai unha semana non fai máis que medrar o número de afectados por...

O PSOE de Culleredo advirte ao BNG que a cidadanía apostou por “forzas progresistas”

O PSOE de Culleredo mostrou a súa "total disposición" para alcanzar "o mellor acordo...

A única praia canina da Coruña, a máis contaminada de Galicia

O pasado mes de marzo o goberno local aprobaba a calificación da primeira praia...

O PSOE e o BNG, dispostos a garantir un goberno “progresista” na Coruña

A alcaldesa en funcións da Coruña, a socialista Inés Rey, e o candidato do BNG á...

DEIXAR UN COMENTARIO

Please enter your comment!
Please enter your name here