InicioA CORUÑAA única praia canina da Coruña, a máis contaminada de Galicia

A única praia canina da Coruña, a máis contaminada de Galicia

Publicada o

Por editor

O pasado mes de marzo o goberno local aprobaba a calificación da primeira praia canina da Coruña. A cala de Brens, situada entre a refinaría, a estación depuradora, o antigo vertedoiro, e a planta de reciclaxe Nostián, convertíase na única praia na que está permitido levar os cans durante todo o ano.

Unha situación que chama moito a atención da organización REFIX e o colectivo Retoque Retro. Ambas entidades realizaron unha limpeza manual de residuos (desas que tamén adoita facer o colectivo We ou a Asociación Mar de Fábula co obxectivo de concienciar á cidadanía sobre un problema que afecta aos espazos naturais e que se pode evitar e reducir cambiando os hábitos de reciclaxe.), e quedaron absolutamente abraiadas da cantidade de lixo recollido. “Sorprende a gran cantidade de residuos atopados e o feito de que designen como praia canina unha praia totalmente insegura para os animais, xa que se atoparon xiringas, microplásticos con risco de ser inxeridos e mesmo agullas”, explica Zaira Fernández da axencia Siete Olas.

O pasado sábado 27 de maio, en apenas 2 horas de traballo uns 50 voluntari@s retiraron máis de 140 kg de lixo. A maioría dos residuos foron plásticos, microplásticos e unha cantidade desorbitada de panos e toallitas, pero o que máis chamou a atención dos participantes foi a aparición de xiringas e agullas. ”Todo este lixo pode causar serios problemas aos máis peludos da casa”, insisten.

Limpando a praia de Bens
Limpando a praia de Bens

ÚLTIMAS

A Fiscalía pide a máxima pena para os acusados polo crime de Samuel Luiz

A Fiscalía Provincial da Coruña, na súa Sección de Delitos de Odio e Discriminación,...

Pasea polo medio de Cambre cun machete de 45 centímetros de folla

AA Policía Local de Cambre denunciou a un mozo que paseaba pola contorna do...

Olladas doutro tempo: Panorámicas e Vidros

Os Castros sempre foi un mirador privilexiado, con certa altura e un ángulo grande...

O Muncyt recibe máis de 55.000 vistas anuais

O delegado do Goberno en Galicia, Pedro Blanco, visitou a sede coruñesa do Museo...

DEIXAR UN COMENTARIO

Please enter your comment!
Please enter your name here