Este pasado sábado tivo lugar a terceira e última das rutas guiadas no marco do programa A Coruña das Letras, organizada por Normalización Lingüística do Concello da Coruña. Unhas saídas desenvoltas pola enciclopedia andante máis viva da cidade, o nosos Xurxo Souto, para afondar nos segredos da Coruña máis decoñecida.
![Imaxe da ruta por Pescaria](https://xornaldacoruna.gal/wp-content/uploads/2023/06/Imaxe-da-ruta-por-Pescaria.jpeg)
Despois de percorrer os recantos do barrio da Pescaría e Eirís durante estes pasado meses, a última saída polos camiños da Agra do Orzán, afondando na toponimia nun barrio que coñece moi ben o mestre do bravú.
![Imaxe da ruta por Eiris](https://xornaldacoruna.gal/wp-content/uploads/2023/06/Imaxe-da-ruta-por-Eiris.jpeg)
Percorreron o Monterrancheiro, atopáronse con varios sabios en Katanga e nos Mariñeiros, e remataron na Silva, cunha nova homenaxe a Pucho Boedo.
A xente quedou encantada (quedou moita xente fóra pola cantidade de reservas) coa descuberta de tantas e tantas cousas que quedan agochadas sobre o cemento.
![Ruta pola Agra-Ruben Ruibal](https://xornaldacoruna.gal/wp-content/uploads/2023/06/Ruta-pola-Agra-Ruben-Ruibal.jpg)