Xa falabamos con eles a semana pasada. Os Bombeiros de Arteixo representan á perfección á folga que está levando este colectivo en toda Galicia. Unha folga que apenas se manifesta coa decisión de non aceptar facer horas extras, demostrando a necesidade de ampliar o persoal en todos os parques. Apenas 3 profesionais quedan para afrontar as emerxencias, polo que levan anos pedindo melloras tanto no número de efectivos como de material.
Esta semana o Parque de Arteixo cumple 19 anos. 19 anos “coidando” unha poboación fixa de 130.000 persoas, ademais do fluxo xerado nos parques industriais da zona.
Denuncian a “discriminación” da comarca, pois fan comparación con outros parques e o ratio é moi inferior: O de Lugo conta con 9 bombeiros por turno para unha poboación de 98.000 habitantes; o de Ferrol conta con 8 bombeiros por turno para 65.000 habitantes…
Co gallo do aniversario e no marco da folga, os profesionais pregúntanse “como é posible quesiga existindo semellante abandono do servizo por parte da Deputación e especialmente da Xerencia do Consorcio. Abandono cara a cidadanía, cuia protección é o obxecto do Consorcio, xa que parece que hai cidadáns de primeira e de segunda, ademais do abandono dos profesionais desprezando a súa seguridade laboral”.
Os Bombeiros aseguran que “van seguir loitando pola seguridade dos cidadáns e do patrimonio aínda mantendo esta situación tan precaria”, pero reclaman condicións dignas semellantes ao resto de compañeiros de outros parques así como unha xestión digna do Servizo”.
