InicioSUCESOSUn falecido e dous feridos tras envorcar unha embarcación na praia de...

Un falecido e dous feridos tras envorcar unha embarcación na praia de Suevos, en Arteixo

Publicada o

Por editor

A primeira hora da tarde deste venres foi localizada en Arteixo unha embarcación envorcada na que presuntamente viaxaban tres persoas, das cales nun primeiro momento só foi atopada unha e trasladada ao hospital de referencia con síntomas de hipotermia.

Finalmente localizáronse aos outros dous viaxeiros. Un deles trasladado tamén ao centro hospitalario e o outro, de avanzada idade, xa rescatado sen vida do mar. O corpo sen vida deste home, de idade avanzada, foi recuperado pola embarcación Salvamar Betelgeuse de Salvamento Marítimo, que tamén mobilizou medios aereos.

O suceso, segundo informan a este medio fontes de Protección Civil, tivo lugar na praia de Suevos, situada entre Arteixo e A Coruña, ao redor das 14.45 horas e na busca participan Salvamento Marítimo, Gardacostas, Protección Civil de Arteixo, Policía Local de Arteixo, Garda Civil e Policía Local da Coruña, así como mergulladores da cidade herculina.

O operativo arrincou pouco despois de ser avistado un barco de pequeno tamaño boca abaixo entre o porto de Punta Langosteira e o monte de San Pedro. Segundo fontes de Salvamento Marítimo consultadas por Europa Press, un barco pesqueiro que se atopaba na zona rescatou ao primeiro dos tripulantes localizados, que foi evacuado con síntomas de hipotermia ao porto de Suevos, no municipio coruñés de Arteixo.

O segundo dos rescatados foi sacado da auga e levado de urxencia ao aeroporto de Alvedro polo helicóptero Helimer 401. Finalmente foi localizado pola embarcación de Salvamento o terceiro dos tripulantes da embarcación, cuxo cadáver foi trasladado ao peirao de Oza. Estas fontes apuntan que a zona presentaba boas condicións meteorolóxicas no momento no que se produciu o incidente.

ÚLTIMAS

A intervención en Olmos medra implicando á rapazada

Non para o Colectivo In Nave Civitas e a asociación cultural O Mural intentando...

Alerta amarela este luns en zonas da Coruña por choivas que poderán superar os 40 l/m2 en 12 horas

O oeste e suroeste da Coruña estarán este luns en alerta amarela por choiva,...

Piden 5 anos de cárcere dúas mulleres que compraron unha gasolineira a pesar de non ter solvencia en Ferrol

A Audiencia Provincial da Coruña acollerá o vindeiro martes o xuízo contra dúas mulleres...

Medio centenar de persoas en salvamento, socorrismo e atención médica na inauguración da tempada de praias na Coruña

O Concello da Coruña iniciou este sábado a nova tempada de praias, coa incorporación...

DEIXAR UN COMENTARIO

Please enter your comment!
Please enter your name here