InicioDEPORTESAs novas posibilidades do Dépor

As novas posibilidades do Dépor

Publicada o

Por Miguel Barreiro Bugallo
  • Xornada 3 – Dépor 0 – 0 CD Teruel
  • O Depor segue sen encaixar goles e segue sen marcar en Riazor.
  • Terceiro partido de Imanol Idiákez como adestrador do Depor en partido oficial (1V 2E 0D)

— —

Novo partido en Riazor onde o Dépor é o protagonista único do encontro. Foi quen levou o peso do xogo, quen tivo as ocasións máis claras, quen quedou con dez xogadores por unha acción propia de xuvenís, quen superou ao rival en todas as cifras do encontro e quen firmou o segundo empate contra un rival que, se presume, quedará na parte baixa da táboa. Nada novo nos partidos de Riazor no que vai de tempada e repítese o guión do ano pasado no peche dos rivais na súa área e durmir o encontro.

Pero, se hai algo destacable este ano no Dépor son as súas novas posibilidades de trocar esquema e xogadores segundo avance o encontro. Pero, por que? Porque o Depor trocou por completo o medio campo e o seu fronte de ataque no mercado. Trocou en número e trocou en perfís máis polivalentes. Chama a atención o cambio radical na sala de máquinas branquiazul onde Alex Bergantiños, Isi Gómez, Roberto Olabe e Rubén Díez deixaron paso a José Ángel Jurado, Salva Sevilla e Hugo Rama, mantendo só a súa posición Diego Villares. Menos xogadores nesa posición debido á nova forma de entender o xogo de Imanol Idiákez, quen apostará por catro xogadores de ataque con dous medios na contención.

Un Dépor máis inclinado cara adiante con extremos puros coma Yeremay, Mella, Davo e Pablo Valcarce, con dous media puntas como Berto Cayarga e Pablo Muñoz e dous dianteiros centros coma Lucas e Barbero. É dicir, o Depor pasa de ter cinco xogadores no ataque a ter oito opcións diferentes, mais xa veremos como este xogadores trocarán as súas posicións máis naturais. O Dépor queda configurado en dous grandes bloques de catro defensas e catro atacantes, unidos polos dous mediocentros. Agora so falta aliñar as novas posibilidades co obxectivo do ascenso para retornar onde nunca debemos marchar.

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

MÁIS CRÓNICAS DO DÉPOR

ÚLTIMAS

Mariscadores a ría do Burgo denuncian que “hai quen non pode afrontar pagos” e urxen axudas

Mariscadores e mariscadoras da ría do Burgo han secudando este venres unha nova concentración en...

O evento tecnolóxico ‘Ecosystems’ reunirá o día 28 no Palexco a mulleres líderes no sector

O evento de ecosistemas tecnolóxicos 'Ecosystems' reunirá o día 28, na Coruña, a mulleres...

Inaugurado o paso inferior e a ligazón de Sol e Mar en Oleiros

O delegado do Goberno en Galicia, Pedro Branco, e o alcalde de Oleiros, Anxo...

Presentado o programa do Orgullo coruñés

A festa do Orgullo coruñés comezará este sábado 22 de xuño e prolongarase ata...

DEIXAR UN COMENTARIO

Please enter your comment!
Please enter your name here