InicioM.AMBIENTE E PATRIMONIO“O desleixo das administracións para protexer os frescos de Lugrís non fai...

“O desleixo das administracións para protexer os frescos de Lugrís non fai máis que medrar”

Publicada o

Por editor

Seguen pasando os meses e os murais de Lugrís da rúa Olmos seguen esfolándose dentro dun edificio ruinoso. A pesar das constantes promesas das administracións e as eternas queixas dos colectivos conservacionistas e a veciñanza, nin Xunta nin Concello moven ficha para coidar tan importante patrimonio.

A combativa Asociación Cultural O Mural lamenta “este desleixo” das administracións, criticando que “nin a Xunta denegou nin o Concello contratou a ninguén”. Refírsense ás declaracións do Conselleiro da Xunta no que expresaba as súas dúbidas sobre se os murais son merecedores de seren declarados Ben de Interese Cultural. A realidade é que “pese a que O Mural solicitoulle formalmente que o fixera no mes de decembro de 2022, a Xunta non incoou o expediente para facer esa valoración, que lle corresponde a administración autonómica, e non o Concello, como semella desprenderse das declaración do conselleiro”.

Tamén critica a entidade a parálise municipal. “Ese informe contratado polo Concello da Coruña ao que fai referencia o mandatario autonómico nin existe nin vai existir axiña pois o Concello da Coruña, malia os seus anuncios públicos, aínda non fixo o contrato e só falou cun catedrático da universidade de Compostela que se comprometeu a telo redactado no mes de novembro”.

”Mentres, a choivas seguen a causar danos nunha obra de arte senlleira da pintura mural galega e ninguén fai nada, cun pouco de sorte dentro de medio ano teremos uns cascallos declarados ben de intereses cultural, como en Atenas”, sentenzan dende a entidade.

Máis novas sobre os murais de Lugrís

O Mural pide á Xunta que supervise a inactividade do Concello na protección do Lugrís da rúa Olmos

O TSXG admite o recurso da asociación O Mural para reclamar á Xunta a protección dos frescos de Lugrís

A Coruña inicia os trámites para declarar BIC os murais de Lugrís da rúa Olmos

 

ÚLTIMAS

Aberta a Casa dos Xoguetes para fomentar a economía circular por Nadal

Non hai outra época tan consumista como o Nadal. Para intentar calmar conciencias, para...

Prendidas 3 millóns de luces do nadal coruñés

Pablo, Etienne, Hugo e Lorena foron os encargados este ano de prender os máis...

Concello da Coruña e Xunta apelan á fortaleza do audiovisual na XVII edición de ‘Ideas para Producir’

O Concello da Coruña e a Xunta apelaron á fortaleza do audiovisual galego na...

Miranda (BNG) afirma que o final das obras de dragado da ría do Burgo será cando se volva a mariscar

A eurodeputada do BNG Ana Miranda asegurou que o final das obras de dragado...

DEIXAR UN COMENTARIO

Please enter your comment!
Please enter your name here