Coa intención de achegarnos á nosa natureza (o que coñece o seu patrimonio natural, máis o respecta e o coida), ADEGA, a través da empresa Mar Abaixo e en colaboración co Concello da Coruña, organiza unha serie de 7 saídas ao redor da ría da Coruña para a identificación de biodiversidade nos meses de outubro a novembro.

Saídas que contarán cun guía especializado na identificación de flora e fauna litoral, que analizará problemáticas como as dos residuos ou as especies exóticas invasoras.

A actividade estará destinada a todo tipo de públicos e en cada viaxe poderán participar 6-8 persoas.

As primeiras saídas serán o xoves 26 e venres 27 de outubro, no galeón Punta Pragueira.

Podes inscribirte neste formulario.