InicioCULLEREDOAs familias do Conservatorio de Culleredo volveron á rúa para esixir máis...

As familias do Conservatorio de Culleredo volveron á rúa para esixir máis profesorado

Publicada o

Por editor

Despois dun curso pasado cheo de mobilizacións, e tras comprobar e denunciar que a falta de profesorado segue vixente neste comezo de curso,  a ANPA O Burgo do Conservatorio Profesional de Música do Concello de Culleredo volveu concentrarse este venres diante do Conservatorio para “reivindicar ensinanzas artísticas de calidade e a cobertura inmediata das prazas de profesorado nas especialidades de frauta e guitarra”.

Recoñecen que, na primeira semana de novembro se incorporaron 3 docentes para a especialidade de piano, pero está pendente de incorporación o persoal docente nas especialidades de frauta e guitarra.

As familias seguen sen comprender “como é posible que logo da problemática do anterior curso escolar, o Concello de Culleredo publique a convocatoria para a creación de listaxes de substitución o 29 de maio e demore ata o 2 de outubro a finalización do proceso de selección”.
Consideran tamén “incomprensible que finalizado o dito proceso, se incorpore o persoal especialista de piano o 3 de novembro e estea pendente aínda a incorporación do persoal especialista de frauta e guitarra”.

Lembran ademais que o 18 de setembro solicitaron unha xuntanza á Concelleira de Educación, “pero seguimos sen recibir respostas”.

ÚLTIMAS

Morre un home na praia do Orzán, menos dun día despois doutro falecido en Riazor

Un home perdeu a vida na mañá deste mércores na praia do Orzán, na...

A concesionaria do servizo de lixo da Coruña comeza a aplicar man dura contra os folguistas

A concesionaria do servizo de recollida de lixo da Coruña, Prezero, comunicou 29 sancións graves este...

O 4 de marzo, martes de Entroido, e o 24 de xuño, San Xoán, serán festivos na Coruña en 2025

O Concello da Coruña decretou que o 4 de marzo, martes de Entroido, e o 24...

Mariscadores do Burgo secundan unha nova concentración á espera dunha solución ás axudas que reclaman

Membros da Confraría de Pescadores da Coruña mobilizáronse, este mércores ante a Delegación do Goberno, para esixir...

DEIXAR UN COMENTARIO

Please enter your comment!
Please enter your name here