O profesorado do país segue en loita. Vímolo estas semanas coas mobilización das traballadoras das Escolas Infantís privadas e de xestión indirecta emais da folga dos centros de primaria e secundaria do pasado día 24 de outubro.
E os sindicatos CIG-Ensino, STEG e CSIF, que representan en total ao 60% do profesorado galego, avanzaban a semana pasada un mes de novembro cheo de mobilizacións do profesorado. Se a vindeira semana haberá concentracións nas cidades o martes e unha manifestación nacional en Compostela o domingo, as primeiras accións realizáronse estes xoves e venres nos propios centros.
Estaban chamados dende CRAs a CEIPs, desde unitarias a centros de Educación Especial, desde CPIs a IES, desde CIFPs a Escolas de Artes, desde Escolas de Idiomas a Conservatorios… E houbo moita resposta, segundo sinala a CIG, que manda fotos de numerosas concentracións de profesores e profesoras.
Demandas para mellorar o ensino público
Piden o inicio da redución de ratios en todas as etapas educativas desde o vindeiro curso, recuperación das 18 e 21 horas lectivas que tivo o profesorado galego ata os recortes de Feijóo e Rajoy, un plan de eliminación da burocracia con medidas concretas e un incremento retributivo lineal para todo o profesorado sen ter en conta a súa antigüi dade e o cargo que ocupa.
“Semana de loita polos nosos dereitos”: martes 14 concentracións e domingo 19 manifestación en Compostela
O martes 14 celebraranse ás 7 da tarde concentracións en todas as cidades galegas, sendo a da Coruña na Praza de Pontevedra.
Ademais o domingo 19 terá lugar unha manifestación en Compostela á que está convidada a participar toda a comunidade educativa: ANPAs, familias e alumnado… para visibilizar que a mellora do ensino público.
Máis novas das protestas no ensino
As traballadoras das Escolas Infantís reividican na rúa a súa relevancia social
