InicioDEPORTESO Dépor e a marmota

O Dépor e a marmota

Publicada o

Por Miguel Barreiro Bugallo
  • ornada 13 – SD Tarazona 1 – Depor 1
  • Un novo mini desastre branquiazul fora da casa e ante un dos rivais más modestos da categoría
  • Décimo terceiro partido de Imanol Idiakez como adestrador do Depor en partido oficial (4V 6E 3D)

— — —

Un novo día da marmota en Punxsutawney. Habería que chamar a Bill Murray para que veña a facer as crónicas do Dépor e, polo menos, xa nos tomamos isto co humor que merece este deambular no barro. Se graciosa era a situación vivida polo noso querido Bill en Pensilvania, tortuosa é o camiñar do Depor nesta senda de barro 23/24.

Tocaba esta fin de semana unha saída, de primeiras, accesible contra un dos equipos máis modestos da categoría e nun deses campos que che recordan a crueza da túa realidade. De feito, o máis entretido da primeira metade do encontro foi ver coma os rapaces de Tarazona divertíanse no fondo do campo, tirándose ladeira abaixo aproveitando a tranquila tarde que o Dépor lle estaba entregando ó equipo local. Ningunha chegada de perigo, xogo escuro e as mesmas sensacións doutros encontros. Pero, aínda quedaba o mellor da tarde. Regalo do equipo local no minuto 87 con erro grande do porteiro local e gol do Depor que parecía afastar a mala sorte doutros encontros. Amigo, pero aí estaba Bill acariñando á marmota para que no minuto 95 chegase o empate da SD Tarazona e acendera de novo tódolos rotativos para cambiar o titular que xa tiñan escritos os periódicos do domingo.

Novo paso atrás dun Dépor que levaba unha boa xeira de puntos: 9 de 12 posibles. Cando xa vai un terzo de campionato, situado no zona morna da táboa, cunhas esperanzas moi limitadas de liderato, e cun leve suspiro de achegarse á quinta e última praza de playoff, quedan poucos deportivistas que vexan algo positivo no equipo.

Moito culpable, moito responsable e pouco remedio se lle ve a un equipo que cada domingo empéñase en facerte crer que o depósito de desgracias nunca está cheo de todo.    

 

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

MÁIS CRÓNICAS DO DÉPOR

ÚLTIMAS

O Concello da Coruña prepara os trámites para a intervención na vivenda tras declararse mercado tensionado

O Concello da Coruña ultima os trámites para actuar no mercado do aluguer tras...

Investigan un aviso de bomba no CHUAC que acabou sendo unha falsa alarma

A Policía Nacional investiga a autoría dun aviso de bomba no complexo hospitalario coruñés...

Xuíces da Coruña rexeitan crear unha praza de Violencia sobre a Muller “a costa” de Instrución

Xuíces e xuízas dos órganos de Instrución da Coruña alertaron de "prexuízos moi considerables"...

O BNG da Coruña pide a cancelación do concerto de Diego ‘El Cigala’, condenado por violencia de xénero

O BNG pediu ao Concello da Coruña que cancele a actuación de Diego 'El...

DEIXAR UN COMENTARIO

Please enter your comment!
Please enter your name here